How to Create Hard Drive 8GB Ram in Pc – Hum Kaisay Apni Hard Disk say 8GB Ram Bana Kara Apnay PC OR Laptop ki Performance Bahter Bana Saktay Hain

Aj Hum Sikhengay Kay hum kay hum apnay Computer may Hard Drive may Say 8GB Ram Kaisay Bana Saktay Hain. Jee Dosto! Pahlay May apko Thora Ram Kay Hawaly Say Batana Chahonga Taky Apko is Article Say Sahi Faida Lay Saken. Dosto! Hum Jub Bhi apnay Computer pr Aik Time may Ziada Kam Kartay hain to Aksar Hamara Computer Slow Work Karta hay. Us ki Asal Waja Yeh Hoti hay kay Hamaray Computer may Ram Kum Hoti hay. Jaisay Hum koi Songs Dakh Rahay Hain to hamaray Computer ki speed theek hoti hay song sahi play hota hay or Song play honay kay doran hi hum apnay Computer may Koi Data bhi Copy Karkay kisi USB may Dalna Shoro Kar Dain or Sath hi Kisi Heavy Software say Koi Video Render Karna Shoro Kar Dain. To Ap Dakhen gay kay jo Hamara Song Sahi Play Ho Raha tha wo Song Ruk Ruk kar Play Hona Shor ho Jaiyga or akasar oqat to hamara PC ya Laptop Hang ho jata hay or humain sara kam Khatam Kar kay PC ko Restart Karna Par Jata Us ki Asal Waja Ram Kum Hoti hay.

To Ajkay Topic may bhi hum Computer shop say ram Kharidenay Ki Bajiay apni Hard Disk ka Kuch Hissay ko Ram kay tor Pr Use karingay.

Waisay agar Apko Romen may Sahi na Samjh Aiy to isi Article kay Start May Isi Topic Ki Youtube Video Hay Jis say Ap rehnumai Lay Sakty Hain.

Jee Dosto Ab Hum apnay Asal Topic Ki Taraf Atay Hain.. Sub say pahlay hum my Computer open karen gay nichay Picture may Dakhen.

May Nay Apni Hard Drive may Drive D ko Empty Kar Dia hay Sirf Apko Yeh Article Samjhanay or Video Bananay kay liay. Ab hum Desktop par Akar My Computer pr Right Click Karengay or us ki Property may Jaingay. Nichay Picture may Dakhen.

Jee My Computer ki Property Open Ho Chuki hay ab hum is page par top say nichay last menu “Advance System Setting” pr Click Karengay. Nichay Picture may Dakhien.

To Aik Naia Box Zahir Hoga jis may pahlay tab kay Samnay Setting pr Click Karngay. To aik naia box Zahir hoga nichay picture may dakhengay.

Us kay bad is Box may hum 2sry Tab Advance pr Click Karengay nichay picture may Dakhen.

Is Box may Sub say Nichay last may Aik Line Likhi Howi hay wo Yeh Hay. “Total Paging file Size for all drives: 1088mb” likha hay us kay nichay Change ka button Araha hay . us Change kay Button pr Click Karngay. To aik Naia Box Virtual Memory Ka Khul Jaiyga. Nichay Picture may Dakhen.

Ab Virtual Memory box may jo nichay box Nazar Araha hay us ka Tick Mark Khatam Kar Daingay. to Ap Dakhen gay kay maray laptop ki Tamam Drives Visible Ho Chuki hain. To Jo may nay Drive Empty ki Thee Ya Jis Drive may say Ap Ram Banan Chahty ho us ko Select Karengay. To Us ka Complete Size Ajaiyga. Nichay Picture may Dakhen.

Ab Hum Size kay Nichay Custom Size pr Click Kar Daingay. to Box Apko Empty Nazar Aingay Nichay Picture Dakhen.

Ab Hum indono Boxes may Jitnay MB Ya GB Ki Ram Banana Chahtay hain Wo likhen gay. Jaisay may nay 8GB Ram Banani Hay to May 1GB Barabar Hoti hay 1024MB kay. To may Sath hi Calculator kay Sath 8GB kay liay 1024 x 8 Karonga to 8192MB Banay gi. Jo 8GB kay Barabar hay Ap Bhi apni Marzi say koi Bhi Size 1024 kay Sath Jitnay GB Banana Chahtay hain utna likh kar Multiply Kar Daingay. jo Result Milayga usay Dono Empty Boxes may Put kar Daingay. Jaisay may nay 8192 Put Kar Dia hay. Nichay Picture may Dakhen.

Ab Hum Ok pr Click Karnegay to aik Message Zahir Hoga jis may likha Hoga kay hum apnay Computer ko Restart Karengay to ye Process Complete ho jaiyga. Or hum Ok Pr click Kar Daingay. or Jub Dobara hum log Wapis Windaw may Aingay to ap Dakhengay jo Mari D Drive Empty thee Wahan pr 8.12GB Blue Color ki Usage Area Araha hoga. Nichay Picture may Dakhen.

Jee Dosto Hamari Hard Drive may hum nay 8GB Ram Bana Di hay ab hum apnay Computer pr Koi bhi Heavy Work Kar Sakty hain.

May Umeed Karta Hon Kay Apko Hamara Article Acha Laga Hoga or Yaqeenan Is Article say Ap Apni Hard Drive may say apni Marzi ka Hissa As a Ram Asani Say Bana saktay hain. Agar Koi Bat Samjh Na Ai Ho to Is article kay Start may hamari Video bhi hay Jisay Ap Dekh kar Mazeed Samjh Saktay Hain. Or Agr phi bhi koi Bat Samjh Na Ai ho to ap Nichay Diay Gaiy Comment Box may Comment kar kay Koi bhi Sawal Poch Saktay Hain. Ap hamaray Youtube Channel ko Zaroor Subscribe Karen. Takay Apko Information Technology in Urdu kay Mazid Achi Videos Bhi Mil Saken. Or Ap Hamara Article or Videos Apnay Friends say Bhi Share Karen Takay agar unko bhi problem ho ya kuch sikhna Chahain to wo bhi Sikh Sakain. Or Ap Hamaray Facebook Page ko Bhi Zaroor Like Karen. Or Ap hamain Twitter Pr Follow Karen. Or Hamaray Google Plus pr bhi Follow Kar Saktay Hain. Article Last Tak Dakhnay Ka Shukria.

______________/SOCIAL LINKS\________________________